عن استثمارك

البورصة المصرية بتنشر حوالي 100 إفصاح كل يوم: قرارات مجالس إدارة، نتائج أعمال، توزيعات، عقود، هياكل مساهمين. أغلبها ملفات PDF، وكتير منها صور ممسوحة، بعناوين عامة زي «بيان من الشركة». المعلومة موجودة، لكن قراءتها بتاخد وقت.

استثمارك بيقرا الإفصاحات دي أول بأول، ويكتب لكل ملف ملخص قصير بأرقامه وتواريخه، ويربطه بصفحة الشركة، ومعاه دايماً رابط الملف الأصلي على موقع البورصة.

إزاي بنشتغل

• المصدر الوحيد للإفصاحات والأسعار هو موقع البورصة المصرية العام.
• الملفات بتتقري آلياً (النص المدمج أو OCR للصور)، والملخص مكتوب بنموذج ذكاء اصطناعي (Claude من Anthropic) من نص الملف بس.
• أرقام القوائم المالية ما بتظهرش غير لو صافي الربح المستخرج طابق الرقم الرسمي المعلن في البورصة.
• الأسعار المعروضة بعد إغلاق الجلسة، ومش للتداول.

إيه اللي مش بنعمله

ما بنرشحش أسهم، وما بنتوقعش أسعار، وما بنقولش اشتري أو بيع. استثمارك مش جهة استشارات مالية ولا مرخص من الهيئة العامة للرقابة المالية لتقديم توصيات. الملخصات ممكن يكون فيها أخطاء قراءة، والإفصاح الأصلي هو المرجع دايماً.

تواصل

لو لقيت رقم غلط أو عندك ملاحظة: hello@estesmarak.com